Article critique et en patois sur le cinéma forain
Article de Jean Bobienne, paru dans Le Journal d'Hénin-Liétard du 12 novembre 1902 :
« Gramint d’ personnes n’ vodront p’ t-ête point m’ croire, mais j’ n’ avos jamais vu un cinématographe ; aussi profitant qui n’ n’ avot un à l’ ducasse, j’ m’ y rindos et je m’ payos eun’ seconde pou’ dix sous.
Ch’ étot d’ jà bien plein, et, cosse que j’ ignoros, l’ représintation étot qu’ minchée d’ puis un bon quart d’heure, malgré qu’on m’avot dit à l’ porte :
- Entrez, entrez, on va commencer.
- Diable, que j’ dis, u m’ assir ? Bast ! J’ resterai d’ bout dins un coin, je n’ gên’ rai personne.
- Allez là-bas, i' n' y-a de l' plache, m' dit un imployé.
- Ch' est bon, ch' est bon, j' peux rester d' bout.
- Non n' peut pas rester d' bout, i faut vous asseoir.
Et après avoir fait serre quèqu' s gins, i' m' fait assir sur un banc, derrière eun' grande femme qu'elle avot un capiau in Tour Eiffel et t' not un p' tit gosse de six-siept mos d' bout su' ses genoux.
On qu’ minche, je n’ vos rien, j’ avinche m' tiête à droite, l' femme fait l' même ; j' avinche à gauche, elle lève sin gosse à l' hauteur de sin capiau ; j' veux m' lever, v' là qu' derrière, on crie Assis ! Assis ! et un zique solide, i’ m’ appuie su’ les deux épaules. J’ veux riposter, i’ m’ menace de m’ coller eun’ danse in sortant.
Crac ! v’ là l’ tableau fini et les leumières s’ ralleument.
- Madame, que j' dis polimint à m' voisine d'in face, vous n' porrit' s point laicher votre infant assis, mi je n' vos rien ?
- Ah ! ben, qu'elle me répond cheull' paysanne, ch' n' est mie m' n' affaire, ch' l' infant i' peut bien vir comme vous.
- Ch' est vrai, mais cha n' l' intéresse point, il est trop jeune.
- Quoi ! Trop jeune ! Mais din vingt ans, i' s' ra bin contint d' avoir vu cha.
Et v’ là un aut’ tableau qui s’ prépare. Cheull’ fos, ch’ est, à ch’ qui paraît eun’ course d’ taureau, l’ infant a peur, i’ brait, l’ mère s’ lève et l’ dodine ; tout l’ monde crie : Assis ! Assis ! Mis, j’ n’ose pus m’ lever d’ peur du zique qui m’ a promis eun’ danse et j’ profite que les leumières s’ ralleument pour me l’ ver et m’ in aller sans d’ mander min reste.
In sortant, j’ rincontros un ami qui m’ dijot :
- Eh ben ! Ch’ est biau l’ cinématographe ? Quoich’ que t’as vu ?
- J'ai vu un capiau à pleumes qui allot toudis d' droite à gauche et un p' tit infant qu'on balochot comme eun' boutelle d' pain d' curiche ; pour mi, cha n' vaut point les dix sous et j'cros qu' j' ai été volé. "
« Gramint d’ personnes n’ vodront p’ t-ête point m’ croire, mais j’ n’ avos jamais vu un cinématographe ; aussi profitant qui n’ n’ avot un à l’ ducasse, j’ m’ y rindos et je m’ payos eun’ seconde pou’ dix sous.
Ch’ étot d’ jà bien plein, et, cosse que j’ ignoros, l’ représintation étot qu’ minchée d’ puis un bon quart d’heure, malgré qu’on m’avot dit à l’ porte :
- Entrez, entrez, on va commencer.
- Diable, que j’ dis, u m’ assir ? Bast ! J’ resterai d’ bout dins un coin, je n’ gên’ rai personne.
- Allez là-bas, i' n' y-a de l' plache, m' dit un imployé.
- Ch' est bon, ch' est bon, j' peux rester d' bout.
- Non n' peut pas rester d' bout, i faut vous asseoir.
Et après avoir fait serre quèqu' s gins, i' m' fait assir sur un banc, derrière eun' grande femme qu'elle avot un capiau in Tour Eiffel et t' not un p' tit gosse de six-siept mos d' bout su' ses genoux.
On qu’ minche, je n’ vos rien, j’ avinche m' tiête à droite, l' femme fait l' même ; j' avinche à gauche, elle lève sin gosse à l' hauteur de sin capiau ; j' veux m' lever, v' là qu' derrière, on crie Assis ! Assis ! et un zique solide, i’ m’ appuie su’ les deux épaules. J’ veux riposter, i’ m’ menace de m’ coller eun’ danse in sortant.
Crac ! v’ là l’ tableau fini et les leumières s’ ralleument.
- Madame, que j' dis polimint à m' voisine d'in face, vous n' porrit' s point laicher votre infant assis, mi je n' vos rien ?
- Ah ! ben, qu'elle me répond cheull' paysanne, ch' n' est mie m' n' affaire, ch' l' infant i' peut bien vir comme vous.
- Ch' est vrai, mais cha n' l' intéresse point, il est trop jeune.
- Quoi ! Trop jeune ! Mais din vingt ans, i' s' ra bin contint d' avoir vu cha.
Et v’ là un aut’ tableau qui s’ prépare. Cheull’ fos, ch’ est, à ch’ qui paraît eun’ course d’ taureau, l’ infant a peur, i’ brait, l’ mère s’ lève et l’ dodine ; tout l’ monde crie : Assis ! Assis ! Mis, j’ n’ose pus m’ lever d’ peur du zique qui m’ a promis eun’ danse et j’ profite que les leumières s’ ralleument pour me l’ ver et m’ in aller sans d’ mander min reste.
In sortant, j’ rincontros un ami qui m’ dijot :
- Eh ben ! Ch’ est biau l’ cinématographe ? Quoich’ que t’as vu ?
- J'ai vu un capiau à pleumes qui allot toudis d' droite à gauche et un p' tit infant qu'on balochot comme eun' boutelle d' pain d' curiche ; pour mi, cha n' vaut point les dix sous et j'cros qu' j' ai été volé. "
Commentaires
Enregistrer un commentaire